嗰啲覺得「世界就係咁醜惡，到處都有賤人」然後就話要以惡報惡，自己都要做個賤人嘅人：
如果一發覺個環境不如理想，你就可以改變自己嘅道德標準，咁其實你一開始都稱唔上係好人啦，因為你根本就冇原則，扮咩為勢所逼啫。
世界不嬲都係有善有惡㗎啦，唔通所有善良嘅人都冇見識過人性醜惡咩？你會成為賤人係因為你本身就賤咋，唔好講到自己咁委屈。
心生惡念係好平常嘅事，最緊要係可以察覺自己嘅惡念然後正視，調整返自己嘅思緒，順從返自己嘅原則。
連自己心地唔好都唔察覺，成日以受害者自居，然後肆意傷害他人，咁就唔好怪人憎你或者怨自己名聲唔好。